Movies Archives - Cinemakkaran

04 Oct

மீண்டும் யானையுடன் களமிறங்கும் பிரபு சாலமன்

EditorMovies

மக்களிடம் வரவேற்பு பெற்ற ‘கும்கி’ படத்தின் இரண்டாம் பாகத்தை இயக்கியுள்ளார், பிரபு சாலமன். பிரபு சாலமன் இயக்கத்தில் 2012-ம் ஆண்டு வெளியான படம், ‘கும்கி’. மனிதனுக்கும் யானைக்குமான பாசப்பிணைப்பை அழகாக காட்சிப்படுத்திய இந்தப் படம், காதலையும் கொண்டாடியது. விக்ரம் பிரபு, லட்சுமி மேனன், தம்பி ராமையா உள்ளிட்ட பலர் இந்தப் படத்தில் நடித்திருந்தனர். இந்நிலையில், 13 ஆண்டுகளுக்குப் பிறகு ‘கும்கி’ படத்தின் இரண்டாம் பாகத்தை இயக்கியுள்ளார், பிரபு சாலமன். ஆனால், விக்ரம் பிரபுவுக்குப் பதிலாக மதி என்ற புதுமுகம் நடித்துள்ளார். அவருடன் சேர்ந்து ஸ்ரீதா ராவ், ஆண்ட்ரூஸ், அர்ஜுன் தாஸ், ஆகாஷ், ஹரீஷ் பெராடி ஆகியோர் நடித்துள்ளனர். முதல் பாகத்தைப் போலவே இந்தப் படமும் மனிதனுக்கும் யானைக்குமான பாசப்பிணைப்பைப் பற்றிப் பேசுகிறது. ‘கும்கி’ முதல் பாகத்துக்கு ஒளிப்பதிவு செய்த எம்.சுகுமார் இந்தப் படத்துக்கும் ஒளிப்பதிவு செய்ய, நிவாஸ் கே பிரசன்னா இசையமைக்கிறார். தவல் காடா தயாரித்துள்ள இந்தப் படத்தை, பென் ஸ்டுடியோஸ்…

04 Oct

நயன்தாராவின் ‘மூக்குத்தி அம்மன் 2’ ஃபர்ஸ்ட் லுக் வெளியானது

EditorHeroines, Movies

நயன்தாரா நடிப்பில் உருவாகியுள்ள ‘மூக்குத்தி அம்மன் 2’ படத்தின் ஃபர்ஸ்ட் லுக், ஆயுத பூஜையை முன்னிட்டு வெளியாகியுள்ளது. ஆர்.ஜே. பாலாஜி இயக்கத்தில், நயன்தாரா அம்மனாக நடித்து வெளியான படம் ‘மூக்குத்தி அம்மன்’. 2020ம் ஆண்டு நேரடியாக ஹாட் ஸ்டாரில் வெளியான இந்தப் படம், பக்தி என்ற பெயரில் செய்யப்படும் வியாபாரங்களையும் தகிடுதித்தங்களையும் காமெடியாக சொல்லியது. அதைத் தொடர்ந்து, ‘மூக்குத்தி அம்மன்’ படத்தின் இரண்டாம் பாகத்தை சுந்தர்.சி இயக்கியுள்ளார். நயன்தாரா அம்மனாக நடிக்க, அவருடன் பல முன்னணி நட்சத்திரங்கள் இணைந்து நடித்துள்ளனர். வேல்ஸ் பிலிம் இன்டர்நேஷனல் சார்பில் டாக்டர் ஐசரி கே கணேஷ் இந்தப் படத்தைத் தயாரித்துள்ளார். இந்நிலையில், ஆயுத பூஜையை முன்னிட்டு ஃபர்ஸ்ட் லுக்கை வெளியிட்டுள்ளது, படக்குழு. அடுத்த ஆண்டு கோடை விடுமுறையில் படத்தை வெளியிட திட்டமிட்டுள்ளனர். “ ‘மூக்குத்தி அம்மன்’ ஒரு படம் மட்டும் அல்ல, மக்களை உணர்வுரீதியாகக் கவர்ந்த படைப்பு. பக்தி, மர்மம், நகைச்சுவை என அனைத்தையும் கலந்து,…

04 Oct

இயக்குநராகும் வரலட்சுமி சரத்குமார்

EditorHeroines, Movies

‘சரஸ்வதி’ என்ற படத்தின் மூலம் இயக்குநராக அறிமுகமாகிறார், வரலட்சுமி சரத்குமார். விக்னேஷ் சிவன் இயக்கிய ‘போடா போடி’ படத்தின் மூலம் சிம்பு ஜோடியாக சினிமாவில் அறிமுகமானவர், வரலட்சுமி சரத்குமார். ஹீரோயினாக மட்டுமின்றி, பலவிதமான கேரக்டர்களில் நடித்து தன் திறமையை நிரூபித்தவர். தமிழ், தெலுங்கு, மலையாளம், கன்னடம் என நான்கு தென்னிந்திய மொழிகளிலும் நடித்துவந்த வரலட்சுமி, ‘சரஸ்வதி’ என்ற படத்தின் மூலம் இயக்குநராக அறிமுகமாகிறார். இந்தப் படத்தில் அவரே முதன்மை வேடத்தில் நடிக்க, பிரகாஷ் ராஜ், பிரியாமணி, நவீன் சந்திரா ஆகியோர் முக்கிய வேடங்களில் நடிக்கின்றனர். எஸ்.தமன் இசையமைக்க, ஏ.எம்.எட்வின் சகாய் ஒளிப்பதிவு செய்கிறார். இயக்குநராக மட்டுமின்றி, தன் சகோதரி பூஜா சரத்குமாருடன் சேர்ந்து இந்தப் படத்தை தயாரிக்கவும் செய்கிறார், வரலட்சுமி. இதற்காக இருவரும் சேர்ந்து ‘தோசா டைரீஸ்’ என்ற தயாரிப்பு நிறுவனத்தைத் தொடங்கியுள்ளனர்.

04 Oct

தேதியை முடிவுசெய்த வெற்றிமாறன் – சிம்பு: வெயிட்டிங்கில் ரசிகர்கள்…

EditorHeros, Movies

வெற்றிமாறன் இயக்கத்தில் சிம்பு நடிக்கும் படத்தின் புரோமோ வெளியாகும் தேதி அறிவிக்கப்பட்டுள்ளது. ‘விடுதலை 2’ படத்தைத் தொடர்ந்து சிம்புவை வைத்து ஒரு படத்தை இயக்கி வருகிறார், வெற்றிமாறன். சிம்புவின் 49-வது படமான இதை, வி கிரியேஷன்ஸ் சார்பில் கலைப்புலி எஸ்.தாணு தயாரிக்கிறார். வடசென்னையில் உள்ள கேங்ஸ்டரை மையமாக வைத்து எடுக்கப்படும் இந்தப் படம், ‘வடசென்னை’ படத்தில் காட்டப்பட்ட அதே காலகட்டத்தில் நடக்கிறது. அத்துடன், ‘வடசென்னை’ படத்தில் நடித்த சமுத்திரக்கனி, கிஷோர், ஆண்ட்ரியா உள்ளிட்டோரும் இதில் நடிப்பதாகக் கூறப்படுகிறது. இரண்டு பாகங்களாக உருவாகும் இந்தப் படத்தில், இளமை மற்றும் முதுமை என இரண்டு காலகட்டங்களில் சிம்பு நடிப்பதாகச் சொல்கிறார்கள். இதன் புரோமோ வீடியோ, அக்டோபர் 4-ம் தேதி வெளியாகும் என அறிவிக்கப்பட்டுள்ளது. முதன்முறையாக வெற்றிமாறன் - சிம்பு இருவரும் இணைந்திருப்பதால், இருவரின் ரசிகர்களும் இந்தப் படத்துக்காக ஆவலோடு காத்திருக்கின்றனர்.

05 Apr

ராம் சரணின் ‘பெடி’ ஃபர்ஸ்ட் லுக் வெளியீடு

EditorHeros, Movies

புச்சிபாபு சனா இயக்கத்தில் ராம் சரண் நடிக்கும் ‘பெடி’ படத்தின் ஃபர்ஸ்ட் லுக் வெளியிடப்பட்டுள்ளது. ‘குளோபல் ஸ்டார்’ என்று அழைக்கப்படும் ராம் சரணின் 16வது படத்துக்கு ‘பெடி’ என்று தலைப்பு வைக்கப்பட்டுள்ளது. தேசிய விருது பெற்ற ‘உப்பென்னா’ படத்தை இயக்கிய புச்சிபாபு சனா, இந்தப் படத்தை இயக்குகிறார். கன்னட மெகா ஸ்டார் சிவராஜ் குமார் முக்கியக் கதாபாத்திரத்தில் நடிக்கும் இந்தப் படத்தில், ஹீரோயினாக ஜான்வி கபூர் நடிக்கிறார். ஜெகபதி பாபு, திவ்யேந்து சர்மா உள்ளிட்ட பலர் நடிக்கும் இந்தப் படம், பான் இந்தியத் திரைப்படமாக உருவாகி வருகிறது. ஏ.ஆர்.ரஹ்மான் இசையமைக்கும் இந்தப் படத்தில், ஒளிப்பதிவாளராக ஆர்.ரத்னவேலுவும், எடிட்டராக நவீன் நூலியும் பணியாற்றுகின்றனர். விருத்தி சினிமாஸ் சார்பில் தயாரிப்பாளர் வெங்கட சதீஷ் கிலாரு தயாரிக்கிறார். மைத்ரி மூவி மேக்கர்ஸ் மற்றும் சுகுமார் ரைட்டிங்ஸ் ஆகிய இரு நிறுவனங்களும் இணைந்து இந்தப் படத்தை வழங்குகின்றன. இந்தப் படத்தின் ஃபர்ஸ்ட் லுக், சமீபத்தில் வெளியிடப்பட்டது. அதில்,…

04 Oct

5 வயது குழந்தையுடன் பாடிய விஜய் ஆண்டனி

EditorHeros, Movies

செந்தூர் ஃபிலிம் இன்டர்நேஷனல் தயாரிப்பில், தனா இயக்கத்தில், விஜய் ஆண்டனி நடிப்பில் த்ரில்லர் படமாக உருவாகியுள்ளது 'ஹிட்லர்'. செப்டம்பர் 27ம் தேதி உலகமெங்கும் ரிலீஸாகும் இந்தப் படத்தை விளம்பரப்படுத்தும் வகையில், படக்குழுவினர் பல நிகழ்வுகளை நடத்தி வருகின்றனர். சமீபத்தில் தனியார் மாலில், மிகப்பெரும் மக்கள் திரள் நிரம்பியிருக்க, அவர்கள் முன் 'ஹிட்லர்' படத்தின் முன் வெளியீட்டு நிகழ்ச்சி கோலாகலமாக நடைபெற்றது. இதில் கலந்துகொண்டவிஜய் ஆண்டனி, அங்கிருந்த மக்களை ஒவ்வொருவராக மேடைக்கு அழைத்து, அவர்களுடன் பாடல் பாடி, நடனமாடி, அவர்களின் ஆசைகளை நிறைவேற்றினார். அப்போது 5 வயது குழந்தையுடன் அவர் சேர்ந்து பாடிய பாடலைக் கேட்டு, அங்கிருந்த மக்கள் உற்சாகத்தில் கூக்குரலிட்டு வாழ்த்தினர். இந்த நிகழ்வில் இயக்குநர் தனா பேசியதாவது… என் படம் உணர்வுப்பூர்வமானதாக இருக்கும். ஆனால் இப்படம் கொஞ்சம் மாறுபட்ட ஆக்சன் படமாக இருக்கும். எனக்கு எல்லாவிதமான படமும் செய்ய வேண்டும் என ஆசை. அந்த வகையில்தான் இந்த ஆக்சன் படம்…